Kabhi Khamosh Betho Ge Kabhi Kuch Gungunao Ge

Kabhi Khamosh Betho Ge Kabhi Kuch Gungunao Ge
Main Utna Yaad Aaon Ga Jitna Mujhe Bhulao Ge

Koi Jab Poch Bethe Ga Khamoshi Ka Sabab Tum Se
Bohot Samjhana Chaho Ge Magar Samjha Na Pao Ge

Kabhi Dunya Mukmmal Ban K Aaye Gi Nigahon Mein
Kabhi Meri Kami Dunya Ki Har Ek Sheh Mein Pao Ge

Kahin Par Bhi Rahen Ham Tum Mohbbt Phir Mohbbt He
Tumhein Ham Yaad Aaen Ge Hamein Tum Yaad Aao Ge.