Jis ki Qismat Hi Dar-Badar Tehray
Woh Bhuja Chand Kis Kay Ghar Tehray
Umar Guzri Sanwaartey Dil Ko
Kaash Woh Dil Mein Lamha Bhar Tehray
Uss Say Kya Pochna Safar Ki Thakan
Jiski Manzil Hi Rehguzar Tehray
Uski Qeemat Azaaab Suraj Ka
Woh Sitara Jo Taa-Saher Tehray
Uss Ki Ankhein Udher Gaye Hi Nahe
Log Kya Kya Na Morr Per Tehray
Hum Say Kaisa Hazer Hawa-e-Safar
Hum Toa Gird-e-Raah-e-Safar Tehray
Jukh Kay Chomey Na Kyun Falak Mohsin
Jab Sinaan Par Kisi Ka Sarr Tehray.
No comments:
Post a Comment