Ajab junoon E musafat me ghar se nikla tha
Khabar nahiN hia K suraj kidhar se nikla tha
Ye kaun phir se unhiN raastoN meN chhoR gaya
Abhi abhi to azaab E safar se nikla tha
Yeh teer dil meN magar be sabab nahi utraa
Koi to harf lab E chaaraagar se nikla tha
Yeh ab jo aag bana shahr shahr phaila hai
Yahi dhuaaN mere deewar O dar se nikla tha
MaiN raat toot k royaa to chain se soyaa
K dil ka zahr mere chashm E tar se nikla tha
Wo Qais ab jise majnuN pukaarte haiN ‘Faraz’
Teri tarah koi deewaanaa ghar se nikla tha
No comments:
Post a Comment