Ye aarazu hai k jab bhi gale lagaaun use
Hhisaar-e-zaat se baahar nikaal laaun use,
Vo jal raha thaa kari dhuup ki tamaazat mein
Milaa jo ab to ohrhaa duungaa apani chaa'onn usey,
Ye ishq bhi hai ajab imtihaan-e-ahad- e-wafaa
Wo aazamaaye mujhe aur main aazamaauun use,
Wo shahar shahar chiragan sahi magar ek din
Hawayein yaad dilayeingi apnaa gaana usey,
Wo apne khuwab mein shaayad mujhii ko dekhta ho
Main tashnaa lab sahi sote mein kyaa jagaaun usay.
No comments:
Post a Comment