Jo Meri Ankhon Se Khawab Dekho

Jo Meri Ankhon Se Khawab Dekho
To Ek Bhi Shab Na So Sako Ge
Ke Laakh Chaho Na Hans Sako Ge
Hazar Chaho Na Ro Sako Ge
Ke Khawab Kia Hain Azaab Hain Yeh
Mere Dukhon Ki Kitaab Hain Yeh
Rafaqaten Un Ki Choot-Ti Hain
Mohabbaten Un Ki Rooth-Ti Hain
Panapti Hain Un Main Wehshaten Si
Aziyaten Un Main Phoot-Ti Hain
Inhi Ke Sar Se Khizaan Hain Jazbay
Inhi Se Shaakhen Se Toot-Ti Hain
Ghamon Ki Bandish Main Khawab Mere
Dukhon Ki Barish Main Khawab Mere
Ubal Raha Hai Dukhon Ka Laawa
Zameen Aatish Hain Khawab Mere
Khayal Saaray Jhulas Gaye Hain
Sulagti Khawahish Hain Khawab Mere
Ukharti Saansen Hain Zindagi Ki
Lahu Ki Saazish Hain Khawab Mere
Jo Meri Ankhon Se Khawab Dekho
To Ik Shab Bhi Na So Sako Ge.

Chahay Tu Kam Main La, Chahay Nikama Kar Day

Chahay Tu Kam Main La, Chahay Nikama Kar Day
Main Tera Hoon, Teri Marzi Mujhay Jaysa Karday
Main Tera Bemar Hoon Azloon Say, Na Mar Jawoon Kahieen
Ek Nazar Dekh Lay Mujh Koo Mujhay Acha Kar Day
Mujh Say Bas Itni He Khuwahish Meray Maleek Ke Hay
Es K Dil Ko Main Lubha Don Mujhay Aysa Karday
Jo Tera Ho Ga Zamanay Say Wo Kat Jaye Ga
Tu To Jis Shaks Ko Chahyee Tanha Kar Day
Ayesa Noor Ayee K Dunia Mera Chehra Dekhay
Tu Jo Perlkoon Ka Meray Chehray Pay Saya Kar Day
Wo Khuda Tujh Say Faqeeroon Ke Tu Sun Layta Hay
Us Say Kehna K Mujhay Ishq Main Ruswa Karday
Mujh Ko Deta Hay Wo Ezat, Yeh Karam Hay Uska
Teray Bas Main Ho Agar Tu Mujhay Ruswa Karday.

Abhi tu ishq mein aisa bhi haal hona hai

Abhi tu ishq mein aisa bhi haal hona hai
K ashk rokna tum sa mahaal hona haai
Har aik lab per hain mere wafaa k afsanay
Teray sitam ko abhi la-zawaal honaa hai
Tumhein khabar hi nahin,tum to lot jao ge
Tuhare hijar mein aik lamha saal hona hai
Humari rooh pe jab bhi azaab utrein ge
Tumhari yaad ko is dil ki dhaal hona hai
Kabhi to roye ga wo bhi kisi ki bahon mein
Kabhi to uski hansi ko zawaal hona hai
Mile gi hamko bhi apne naseeb ki khushiyan
Bas intazar hai kab ye kamal hona hai
Har ek shakhs chalay ga humari raahon par
Muhabaton mein humain wo misaal hona hai
Zamana jiske kham-o-paich mein ulajh jaye
Humari zaat ko aisa sawal hon hai
Yaqeen hai mujh ko k wo lot aaye ga
Usay bhi apne kiye ka malaal hona hai.

Jane Kis Cheez Ki Wo Mujhko Saza Deta Hay

Jane Kis Cheez Ki Wo Mujhko Saza Deta Hay
Meri Hansti Huyi Aankhon Ko Rula Deta Hay
Kis Tarah Baat Likhun Dil Ki Usse, Wo Aksar
Doston Ko Mere Khat Padh Ke Suna Deta Hay
Saamne Rakh Ke Nigaahon Ke Wo Tasveer Meri
Apne Kamre Ke Charaaghon Ko Bhuja Deta Hay
Muddaton Se To Khabar Bhi Nahi Bheji Usne
Uski Aadat Hai Wo Apno Ko Bhula Deta Hay.

Mujhe Teri Mohabbat Mein Kho Jaane Do

Mujhe Teri Mohabbat Mein Kho Jaane Do
Har Lamha Mar Ke Aaj Phir Jee Jaane Do
Isse Mahobbat Ne Dil Ko Aaj Phir Dhadkaya Hai
Mujhe Ishq Ki Baaho Mein So Jaane Do
Tadap Ki Aag Hai Judaai Ki Baahon Mein
Mujhe Aaj Iss Mohabbat Se Mil Jaane Do
Meri Saans Chalti Hai Tere Naam Ki Aahat Pe
Mujh Benaam Ko Iss Naam Mein Kho Jaane Do
Kasam Tujhe Chalne Wali Hawaon Ki Mehboob
Mujhe Iss Mohabbat Ki Aag Mein Jal Jaane Do.

Qarar E Jan Bhe Tumhi,

Qarar E Jan Bhe Tumhi, Iztarab E Jan Bhe Tumhe
Mera Yaqen Bhe Tumhe Ho, Mera Guman Bhe Tumhi

Tumhari Jaan Hy Nikhat , Tumhara Jism Bahaar
Meri Ghzal Bhi , Meri Dastan Bhe Tumhe

Ye Kya Tilsam Hy, Darya Main Ban K Aks E Qamar
Rukay Howay Bhi Tumhe Ho, Rawan DawaN Bhe Tumhe

KHUDA Ka Shukar , Mera Rasta Moaen Hy
K Karwan But Tumhi, Meer E Karwan Bhe Tumhe

Tumhi Ho Jis Say Mile Mujh Ko Shaan E Istagna
K Mera Ghum Bhe Tumhi , Ghum K Raaz Dan Bhe Tumhe

Nehan Ho Zahan Main Wajd In Ka Dhowan Ban Kar
Ufaq Pay Manzil E Idraak Ka Nishan Bhe Tumhe

Tamaam Husn E Amal Hon , Tamam Husn E Byan

K Mera Dil Bhi Tumhe Ho, Meri Zuban Bhe Tumhe.

Manzil Thi Saamne, Pichhe Thi Sada Uski,

Manzil Thi Saamne, Pichhe Thi Sada Uski
Rukta To Safar Jaata, Chalta To Bichhar Jaata
Vaada To Kiya Hota Xuwaabo~ Me Hi Milne Ka
Diidaar Ki Hasrat Mein Mein Khuwaab Nagar Jaata
Unko Meri Chaahat Ka Ehsaas Nahi Warna
Mae~ Unki Mohabbat Me~ Had Se Bhi Guzar Jaata
Hota Jo Mayas'sar Tera Aaghosh-E-Mohabbat
Yuu~ Pyaar Se Sar Rakhh Kar Mae~ Chaen Se Mar Jata
Ab Tum Hi Kaho Saahil Ham Log Kahaan Jain
Wo Saath Agar Hote, Mein Laut Ke Ghar Jaata.