Muqaddar Main Tu Nahi Teri Koi Khabar Bhi Nahi

Muqaddar Main Tu Nahi Teri Koi Khabar Bhi Nahi
Dil Teri Yaad Se Ek Pal Ko Bhi Magar Ghafil Nahi

Khud Ko Bhulaya Hai Teri Yaad Main Hazaar Baar
Ek Pal Ko Bhi Tujh Ko Dil Se Magar Bhulaya Nahi

Patt Jharr Main Bhi Raha Teri Yaad Ka Saawan
Magar Ek Ashq Bhi Aankh Se Bahaya Nahi

Dil To Kya Hum Kardete Apni Jaan Bhi Qurbaan
Tumne Ek Qadam Pyaar Se Aage Bharhaya Hi Nahi.

Main Us Se Bhala Kahan Mili Thi, Urdu Poetry, Heart Touching Poetry, Heart Touching Ghazal, Romantic Poetry,

Main Us Se Bhala Kahan Mili Thi
Bas Khawab Me Khawab Dekhti Thi

Saya Tha Koy Kinaar,e Darya
Or Shaam Ki Dobt,ti Ghari Thi

Kuhre Me Chupa Hua Tha Jungl
Chirya Kahen Door Bolti Thi

Lipti Hui Dhund Ki Rida Me
Ek Zard Gulaab Ki Kali Thi

Ek Sabz Ghubaar Tha Fiza Me
Barish Kahen Sans Le Rhi Thi

Badal Koy Chho Gaya Tha Mujhko
Chehre Pe Ajeeb Tazgi Thi

Ankhon Me Thehr Gai Thi Shabnum
Or Rooh Me Narm Roshni Thi

Kia Cheez Thi Jo Mere Badan Me
Ahista Ahista Khil Rhi Thi

Ek Geet Hawa K Hont Pe Tha
Or Uski Zubaan Ajnabi Thi

Us Raat Jabeen,e Mah Pr Bhi
Tehreer Koi Qadeem Si Thi

Ye Ishq Nhi Tha Es Zameen Ka
Es Me Koy Baat SarMadi Thi.

Teri ankhen, tabbassum lab, teri zulfen bikharne tak, Romantic Poetry, Urdu Romantic Poetry, Urdu Poetry,

Teri ankhen, tabbassum lab, teri zulfen bikharne tak
Bhula paon ga kia kia main milan se phir bicharne tak

Mera jeewan andheron mein andhera ban gia ab to
Kahin ab kho na jaon main, naya soraj ubharne tak

Mujhe maloom tha kab ye, hamen aise bicharna hai
Hamen to sath chalna tha, issi chahat mein marne tak

Meri to zindagi mein her inayat bas ussi ki thi
Mujhe abad karne se, mujhe barbad karne tak

Jo bigra hon to ab aasan nahi mera sudhar jana
Bahot hi waqt lagta hai bigarne se sudharne tak.

Tujh se ab aur mohabbat nahi ki ja sakti

Tujh se ab aur mohabbat nahi ki ja sakti
Khud ko itni bhi aziyat nahi di ja sakti

Jaante hain ke yaqeen toot raha hai dil par
Phir bhi ab tarq yeh wehshat ki nahi ja sakti

Habs ka sheher hai aur is mein kisi bhi sorat
Saans lene ki sahulat nahi di ja sakti

Roshni ke liye darwaza khula rakhna hai
Shab se ab koi ijazat nahi li ja sakti

Ishq ne hijar ka azaar to de rakha hai
Is se barh kar to reyat nahi di ja sakti.

Yahan chahton ka sila nahi, Urdu Poetry, Urdu Heart Touching Poetry, Urdu Ghazal,

Yahan chahton ka sila nahi
yahan dosti ka maza nahi
yahan janay kesi hawa chali
Rahi dostoon main wafa nahi
yahan jal gaya mera aashiana
Abhi badlon ko pata nahi
Teray dar pe dastak de sakon
ye haq to tum ne dia nahi
Main raahi hon raah-e-umeed ka
Mujhay manzilon ka pata nahi
Be bas hon jahan main isqader
jaisay mera koi "KHUDA" nahi
MERI SAADGI MERA JURM HAi
KOI AUR MERI KHATA NAHI.

TUM MERAY HI REHNA

TUM MERAY HI REHNA

TUM se nata hai yun wafaon ka
Jaise KHUSHBO se hai HAWAON ka
Jaise HONTON se hai DUAON ka
Jaise rishta hai DHOP CHAON ka
Jaise JISMON se ROOH E JAAN ka

Suno
BANDHAN ye hamesha nibhana
Mujhe tanha chor mat jana
Ab tumhary bin mujhe nahi rehna

Bs
TUM MERAY HI REHNA.

Jab bhi dekha mere kirdaar pe dhabba koi, Urdu Poetry, Urdu Heart Touching Poetry, Urdu Ghazal, Sad Urdu Poetry,

Jab bhi dekha mere kirdaar pe dhabba koi
Derr tak baith ke tanhaai mein roya koi

Log maazi ka bhi andaza laga lete hain
Mujh ko toh yaad nahi kal ka bhi qissa koi

Be’sabab aankh mein aansu nahi aaya karte
Aap se hoga yaqeenan mera rishta koi

Yaad aane laga ek dost ka bartaav mujhe
Toot kar gir pada jab shaakh se patta koi

baad mein saath nibhaane ki qasam kha lena
Dekh lo jalta hua pehle patanga koi

Usko kuchh derr suna leta hun roodaad-e safar
Raah mein jab kabhi mil jaata hai apna koi

Kaise samajhega bichhadna woh kisi ka
Toot’te dekha nahi jisne sitaara koi.