Zamane bhar ki nigahon se jo Khuda sa lage

Zamane bhar ki nigahon se jo Khuda sa lage

Wo ajnabi hai magar mujh ko aashna sa lage

Najane kab meri dunya main muskuraye ga

Wo shaks k khuabon main bhi khafa sa lage

Ajeeb cheez hai yaro ye manzilon ki hawis

K rahzan bhi musafir ko rehnuma sa lage

Dil tabah tera mashwara hai kya k mujhay

Wo phool rung sitara bhi bewafa sa lage

Huwi hai jis se mun’nawar hai aik ankh ki jheel

Wo chand aaj bhi “Mohsin” ko kam numa sa lage.

Naseehat roz bikti hai Aqeedat roz bikti hai

Naseehat roz bikti hai Aqeedat roz bikti hai

Tumharay sheher mai logon muhabat roz bikti hai

Amir-e-sheher k dar ka abhi muhtaj hai Mazhab

Abhi Mulla k fatwoon mai Shareyat roz bikti hai

Hamare khoon ko bhi woh kisi din bech daly ga

Kharedaron k jhurmat mai Adalat roz bikti hai

Najanay Lutf kia milta hai in ko roz bikne mai

Tawaef ki tarah logon Qeyadat roz bikti hai

Kabhi masjid k mimber pr kabhi hujre mai chup chup k

Mere waaez k lehjay mai Qeyamat roz bikti hai

Bari laachar hain Saqi jabenain in Gharebon ki

k Majbori ki Mandi mai Ibadar roz bikti hai.

Aankhon Main Raha Dil Main Utar Kar Nahi Dekah

Aankhon Main Raha Dil Main Utar Kar Nahi Dekah

Kashti Kay Musafir Nay Samandar main utar kr Nahi Dekha

Be Waqt Ager Jaow Ge Tu Sab Chonk Paray Gay

Ak Umar Hoii Din Main Kabhi Ghar Nahi Dekha

Jis Din Say Chala Hon Meri Manzil Pay Nazar Hay

Aankhon Nay Kabhi Mail Ka Pather Nahi Dekha

Yeh Phool Mujhay Koii Warasat Main Milay Hain

Tum Nay Mera Kanton Bhara Bistar Nahi Dekha

Mehboob Ka Ghar Ho Ya Buzurgoo Ki Zameen

Jo Chorr Dia Phir Usay Murr Kar Nahi Dekha

Khat Aisa Likha Hay Keh Nageenay Say Juray Ho

In Haathon Nay Lakin Koii Zewar Nahi Dekha

Pather Mujhay Kehta Hay Mera Chahanay Wala

Main Moum Hoon Us Nay Mujhay Cho Kar Nahi Dekha

Wo Meray Masa'el Ko Samaj Hi Nahi Saka

Jis Nay Meri Aankhon Main Samandar Nahi Dekha.

Ab Kay Tajdeed-e-Wafa Ka Nahi Imkaan Janah

Ab Kay Tajdeed-e-Wafa Ka Nahi Imkaan Janah

Yaad Kia Tujh Ko Delaye Tera Paymaan Janah

Yoon Hi Mousam Ki Ada Dekh Kay Yaad Aaya Hay

Kis Qdar Badal Jatay Hain Insaan Janah

Zindagi Teri Ata Thi So Teray Naam Ki Hay

Hum Nay Jesay Bhi Basar Ki Tera Ahsaan Janah

Dil Yeh Kehta Hay Keh Shayed Ho Farsooda Tu Bhi

Dil Ki Kia Baat Karay Dil Tu Hay Nadaan Janah

Awal Awal Ki Mohabbat Kay Nashay Yaad Tu Kar

Be-Piye Bhi Tera Chehra Tha Gulistaan Janah

Aakhir Aakhir Tu Ye Alam Hay Keh Ab Hosh Nahi

Rag-e- Meena Sulag Uthi Keh Rag-e-Jaan Janah

Mudaton Say Yahi Alam Na Tawaqqo Na Umeed

Dil Pukaray Hi Chala Jata Hay Janah Janah

Hum Bhi Kia Saada Thay Hum Nay Bhi Samaj Rakha Tha

Ghum Douraan Say Juda Hay Ghum-e-Janah Janah.

Wafa K Khawab Mohabbat Ka Aasra Le Ja

Wafa K Khawab Mohabbat Ka Aasra Le Ja
Agar Chala Hai To Jo Kuch Mujhe Dia Le Ja
Maqam-E-Sod o Zayaan Aa Gia Hai Phr Jana
Ye Zakham Mere Sahi Teer To Utha Le Ja
Yehi Hai Qismat-E-Sehra Yehi Karam Tera
K Bond Bond Atta Kar Ghata Ghata Le Ja
Ghroor-E-Dost Se Atna Bhi Dil Shekasta Na Ho
Pher As K Samane Daman-E-Alteja Le Ja
Nadamateen Hon To Sar-Bar-E-Dosh Hota Hai
FARAZ, Jaan K Aywaz Aabru Bacha Le Ja.

Jo Meri Ankhon Se Khawab Dekho

Jo Meri Ankhon Se Khawab Dekho
To Ek Bhi Shab Na So Sako Ge
Ke Laakh Chaho Na Hans Sako Ge
Hazar Chaho Na Ro Sako Ge
Ke Khawab Kia Hain Azaab Hain Yeh
Mere Dukhon Ki Kitaab Hain Yeh
Rafaqaten Un Ki Choot-Ti Hain
Mohabbaten Un Ki Rooth-Ti Hain
Panapti Hain Un Main Wehshaten Si
Aziyaten Un Main Phoot-Ti Hain
Inhi Ke Sar Se Khizaan Hain Jazbay
Inhi Se Shaakhen Se Toot-Ti Hain
Ghamon Ki Bandish Main Khawab Mere
Dukhon Ki Barish Main Khawab Mere
Ubal Raha Hai Dukhon Ka Laawa
Zameen Aatish Hain Khawab Mere
Khayal Saaray Jhulas Gaye Hain
Sulagti Khawahish Hain Khawab Mere
Ukharti Saansen Hain Zindagi Ki
Lahu Ki Saazish Hain Khawab Mere
Jo Meri Ankhon Se Khawab Dekho
To Ik Shab Bhi Na So Sako Ge.

Chahay Tu Kam Main La, Chahay Nikama Kar Day

Chahay Tu Kam Main La, Chahay Nikama Kar Day
Main Tera Hoon, Teri Marzi Mujhay Jaysa Karday
Main Tera Bemar Hoon Azloon Say, Na Mar Jawoon Kahieen
Ek Nazar Dekh Lay Mujh Koo Mujhay Acha Kar Day
Mujh Say Bas Itni He Khuwahish Meray Maleek Ke Hay
Es K Dil Ko Main Lubha Don Mujhay Aysa Karday
Jo Tera Ho Ga Zamanay Say Wo Kat Jaye Ga
Tu To Jis Shaks Ko Chahyee Tanha Kar Day
Ayesa Noor Ayee K Dunia Mera Chehra Dekhay
Tu Jo Perlkoon Ka Meray Chehray Pay Saya Kar Day
Wo Khuda Tujh Say Faqeeroon Ke Tu Sun Layta Hay
Us Say Kehna K Mujhay Ishq Main Ruswa Karday
Mujh Ko Deta Hay Wo Ezat, Yeh Karam Hay Uska
Teray Bas Main Ho Agar Tu Mujhay Ruswa Karday.