Wo bhi kyaa log the aasaan thii raahen jin ki

Wo bhi kyaa log the aasaan thii raahen jin ki

Band aankhe.n kiye ik simt chale jaate the
Aql-o-dil Khvaab-o-haqiiqat ki na uljhan na Khalish
Mukhtalif jalve nigaaho.n ko na bahalaate the
Ishq saadaa bhii thaa beKhud bhi junuun_peshaa bhi
Husn ko apani adaao.n pe hijaab aataa thaa
Phuul khilate the to phuulo.n me.n nashaa hotaa tha
Raat Dhalatii thi to shiisho.n pe shabaab aataa tha

Chaandanii kaif_asar ruuh_afzaa hotii thii
Abr aataa thaa to bad_mast bhii ho jaate the
Din me.n shorish bhii huaa karati thii hangaame bhi

Raat kii god me.n muunh Dhaa.Np ke so jaate the.